HK 1398 @ 2013/8/29

 

首先要同大家分享下對技術分析嘅睇法，技術分析（即睇股價圖來預測個市嘅方向）係一門

 

獨立嘅分析技巧。可以預測到一個浪將會去到邊度。定到目標價。定到止蝕價。其實，我哋可以

 

剩係用技術分析，完全唔需要睇基本因素，即係基本面。因為我哋基本上係唔需要知道個市點

 

解跌，我哋剩係想知道，今次跌會跌幾多，去到邊度。而且所有嘅影響股價嘅因素已經完全反映

 

咗係個股價圖入面。所以唔使理基本面，而且會技術分析會比基本分析精确好多。

 

 

不過，係唔係一定啱，又係另外一回事。假如你有聽過EMH (Effective Market Hypothesis)嘅話，

 

你應該知道。個股價已經反映咗市場所有嘅消息。用過去嘅資料，理論上贏唔到好多錢。你試想

 

下。識技術分析嘅人有幾多。連冇讀過金融嘅人，聽收音機都會識用所謂嘅黃金比率。假如佢哋

 

成日都贏嘅話。一個月賺１５％（其實１５％都係保守估計）。五年後，佢哋就會有：

 

 

即係5年係,10萬就會變成4.3億。咁好揾，仲有人做其它工咩？個個人都去曬學技術分析啦！

 

我講呢樣樣野出來，係想帶出, 唔好咁容易相信一Ｄ人，每日入個市，就賺到幾萬。其實，唔係容

 

易。而且，我亦都講過，假如個人識用黃金比例來計算股價嘅反彈位置，但係佢連咩野係

 

Fibonacci Sequence　都講唔出嘅嘅話,你就要小心D了。因為嗰D人將佢哋嘅財富投資係連佢哋

 

自己都唔明白嘅方法上面。因為佢哋唔理解呢個方法，唔知道呢個方法幾時有效，幾時冇效。假

 

如有一日，呢個方法已經完全冇效，佢哋就會將所有賺咗嘅錢，一次過嘔返曬出來。

 

不過，其實我對技術分析係有信心嘅。如果唔係，就唔會寫呢個Blog。但係其實我覺得技術分析

 

要結合埋其它野，先至可以贏。Okay，唔講咁多，講返個市：

 

今次再同大家深入D分析下工行。之前幾日，個市跌得好犀利。其實，呢幾日，令到原本睇來幾

 

好嘅升勢，開始變壞。不過總體來講，近來嘅升勢係可信嘅，因為係Stochastic Indicator入面,畫

 

咗呢條紅線係斜向上嘅，代表個浪一個比一個高。肯定咗近來嘅升勢。而且，係股價圖入面，用

 

紅線畫出來嘅上升軌道未有被近來嘅跌浪跌破 (暫時來講)，所以都暫時都可以看好。

 

不過ＭＡＣＤ已經開始交打交叉，係代表將來股價可能仲有調整嘅空間。Stochastic 係未到超賣。

 

但係而家成交量低。代表投資者入市意欲唔大。投資者暫時都係抱住觀望嘅態度。可能係等緊

 

消息。　而家個股價係5.06。假如，呢一兩個星期內。只股票以高成交向下突破嘅話，咁你就要小

 

心Ｄ了。因為好大可能係出咗壞消息。或者有大基金估貨。會繼續向下調整，尤其是跌破$5.00呢

 

個非常之重要嘅位置嘅話,前景就真係唔樂觀了。因為$5.00呢個位,係上一次升勢嘅頸線,形成咗

 

所謂嘅頭肩頂。而呢個頭肩頂嘅形狀，維持咗８至９個月。上一次股價突破呢個位，價錢最低跌

 

到去$4.4。假如佢今次又跌破嘅話，再試返$4.4嘅機會亦都好大。不過係$4.4嗰度,個支持的确會

 

係幾強嘅，因為嗰度有一個裂口。但係假如再向下望嘅話，就會係$4.15。因為呢度亦都有另外

 

一個裂口未有填滿。個股票而家係一個整固嘅狀態。呢個狀態通常代表股票由強轉弱或者由弱

 

轉強。最後會向上，或者向下突破。而整固時間越長，突破之後走勢就會越快。而且係向一個方

 

向走。而突破之前嘅支持位，就會變成阻力位。或者之前嘅阻力位，就會變成支持位。

 

 

有意見請留言，我會盡快回覆你。

 

還有，請問有冇人鐘意睇中文呢？　

 

 

 

Alan Lee

BA (Honour) in Economics

University of Alberta

CFA Level 2 Candidate